Tarifat e Donald Trump tashmë janë në fuqi duke përfshirë 104% për Kinën, eksportuesja më e madhe në botë. Gjithashtu në listë janë 60 nga vendet “më të keqtrajtuara”, të cilat do të përballen me tarifa që variojnë nga 11% deri në 50%.
Tarifat shtesë ndaj Kinës filluan pasi Pekini refuzoi të përmbushë afatin e Trump për të tërhequr taksat e veta hakmarrëse ndaj SHBA-së.
Trump ka thënë se tarifat janë jetike për vizionin e tij ekonomik, por ekspertët paralajmërojnë se kjo mund të shkaktojë një luftë tregtare në shkallë të gjerë.
E ndërsa Kina përgatitet për një tarifë 104% për shumë prej eksporteve të saj në SHBA, ndjenjat anti-Trump po rriten në internetin kinez.
Këtë mëngjes, më shumë se gjysma e 10 temave kryesore në trend në platformën e njohur të mediave sociale Ëeibo kanë të bëjnë me SHBA-në ose tarifat. Sidoqoftë, mbani në mend se platforma monitorohet dhe kontrollohet shumë që do të thotë se çfarë mund të shohim atje tani, është filtruar nga censura.
Hashtag-u kryesor në trend, me më shumë se 15,000 komente, u nis nga transmetuesi shtetëror CCTV dhe lexon:
“SHBA po lufton një luftë tregtare ndërsa kërkon më shumë vezë”. Transmetuesi kishte vënë në dukje në postimin e tij se SHBA po kërkon importe më të mëdha të vezëve nga vendet e BE-së për t’u përballur me mungesën në vend, duke vendosur tarifa në bllok.
“A nuk dëshiron Trump të bëjë gjithçka vetë? Kërkojini atij të rrisë pula!” lexon një koment më të pëlqyer në Ëeibo.
Ndërkohë, shumë postime i bëjnë jehonë retorikës së qeverisë se Kina “do të luftojë deri në fund”.
“Kjo është një luftë financiare pa tym. Ne nuk duhet të jemi frikacakë. Ne duhet të luftojmë fort Trump deri në fund dhe t’i tregojmë atij forcën e popullit kinez,” shkruhet në një tjetër postim popullor.
- Truri i Trump për tarifat përplaset me Elon Musk: Montues makinash, mos fol
- SHBA dhe Irani janë ende shumë larg bisedimeve bërthamore
