Fondi Monetar Ndërkombëtar i rekomandon administratës tatimore që të bashkëpunojë me organet e drejtësisë në luftën kundër krimit dhe korrupsionit.
FMN thotë se duhet të vendosen përpara përgjegjësisë personat që kanë të ardhura të konsiderueshme, por shmangin pagesën e taksave dhe nuk justifikojnë pasurinë.
Në 5 prioritet kyçe që Fondi i ka lënë qeverisë në mbyllje të vizitës në Shqipëri është reduktimi i informalitetit në sektorin e ndërtimit, reduktimin e cash-it, taksimin e pasurisë, luftën ndaj informalitetit në tregun e punës dhe forcimin e kapaciteteve të administratës fiskale.
“Shmangia e taksave, sidomos tatimi mbi vlerën e shtuar në sektorin e ndërtimit është shumë i madh dhe ka probleme. Vendosni TVSH në të gjithë zinxhirin e kontraktorëve dhe shmangni skemat e mashtrimit me këtë taksë”, thotë FMN.
Edhe pse në vitet e fundit administratat fiskale kanë bërë përmirësime, FMN thotë se Drejtoria e Tatimeve përdor modele kontrolli të vjetra dhe ka ardhur koha që të jetë e pavarur nga qeveria. Nga ana tjetër, Doganat duhet të ulin numrin e bizneseve që sinjalizojnë me risk për kontroll.
LEXONI GJITHASHTU: