Taulant Balla: Me e-albania u kemi kursyer 60 mln euro shqiptarëve

Kreu i grupit parlamentar socialist, Taulant Balla u shpreh se PS me platformën e-albania u ka kursyer shqiptarëve 60 milionë euro.

Nga foltorja e Kuvendit, Balla theksoi se marrëdhënia me letrat është lënë mbrapa, ashtu siç u la dyshja e rublave Meta-Berisha dhe se revolucioni digjital mundësoi drejtësi dhe efikasitet.

“Sot kemi 2.7 milionë qytetarë që janë aksesuar në këtë platformë. Ne u kemi kursyer qytetarëve 65 milionë euro kosto pune. Falë gjithë kësaj sipërmarrje të madhe është ndryshuar tërësisht te marrëdhënia e qytetarëve me shtetin. Marrëdhënia me letrat është lënë mbrapa, siç u la dyshja e rublave Meta-Berisha. Revolucioni digjital mundësoi drejtësi dhe efikasitet.

E vërteta është që faza tjetër erdhi kur mundësuam vulën elektronike. Me vulën digjitale çdo dokument mund të merret. Këto janë përfshirë edhe të gjitha bashkitë. Reforma të tilla kanë kohë për tu studiuar dhe për të parë se si ecin. Ekspertët kanë thënë se koha e duhur për të vlerësuar një reformë është 2 mandate. Ka dhe shtete që e kanë 20 vite”- tha Balla.

LEXONI GJITHASHTU: 

• “Jemi bërë gati”, Balla i bindur: Më 14 maj do fitojmë 61 bashkitë
• Topollaj: Partia e Metës klienteliste, ka përdorur pushtetin për të pasuruar veten
• Balluku: Faturimi i energjisë nis pas javës së parë të muajit nëntor