Zyra e Zbatimit të Sanksioneve Financiare në Mbretërinë e Bashkuar, (OFSI) bëri me dije se 2,35 miliardë dollarët që u siguruan nga shitja e klubit të Chelsea, do të shkojnë për bamirësi për njerëzit e prekur nga lufta në Ukrainë.

Zëvendësdrejtori i OFSI, Christopher Watts u tha deputetëve se paratë aktualisht ishin të ngrira në një llogari bankare në Mbretërinë e Bashkuar, shkruan Sky News.

“Duhej të kuptonim kush ishin blerësit, ku po shkonin paratë, të siguroheshim absolutisht që asnjë prej tyre të mos ishte në gjendje të afrohej me një person të caktuar, çfarë do të ishin të ardhurat neto që do të shkonin për bamirësi. Paratë janë depozituar në një llogari në Mbretërinë e Bashkuar në pritje të lëvizjes për qëllime bamirësie”, u shpreh ai.

Klubi i Stamford Bridge u shit pasi Roman Abramovich u sanksionua si pjesë e përpjekjeve të Mbretërisë së Bashkuar për të synuar oligarkët rusë dhe për të izoluar presidentin Vladimir Putin.

Todd Boehly dhe Clearlake Capital blenë klubin, por mbikëqyrësi i sanksioneve duhej të sigurohej që Abramovich ose ndonjë individ tjetër i sanksionuar të mos përfitonte nga shitja.

LEXONI GJITHASHTU

• Sadio Mane nënshkruan kontratë 3-vjeçare me Bajernin e Mynihut
• West Ham do të ofrojë 30 milionë paund për blerjen e Armando Brojës