Të blinduara nga kamerat, lagjet në survejim të grupeve kriminale në Tiranë-Elbasan

Në ditën e dytë të operacionit për çmontimin e kamerave të sigurisë të vendosura në mënyrë të kundraligjshme në Tiranë janë sekuestruar 65 kamera të tjera duke e çuar numrin total në 220.

Nën hetim policia ka vënë 7 shtetas, për ndërhyrje të padrejta në jetën private.

Ky operacion ishte i fokusuar në rrugën pranë zonës rezidenciale Lundër dhe Farkë, “Azem Hajdari”, “Azem Galica”, “Europa”, “Sabri Preveza”, “Sarina”, “Staf Melani” dhe “Ali Kelmendi”.

Ndërsa në qarkun e Elbasanit në kuadër të operacionit ‘Fijet’ Policia ka sekuestruar 37 kamera.

Në Elbasan operacioni u zhvillua në lagjet “5 Maji”, “Sul Paprri”, “Syrja Dylgjeri” dhe “Çlirimi”.

Në Gramsh u sekuestruan 4 kamera, ndërsa në Peqin 5 të tjera.

Për vendosjen e tyre policia ka vënë nën hetim 10 shtetas. Numri total i kamerave të sekuestruar deri më tani ka shkuar në 451.

LEXONI GJITHASHTU

• Pse janë lejuar deri tani kamerat e paligjshme? Çuçi: T’ia lëmë të shkuarës
• Nga Gjergj Cukali te Oshafi, kush janë të fortët që iu hoqën 155 kamerat në Tiranë
• Shkon në 220 numri i kamerave të çmontuara në Tiranë, nis hetimi për 44 persona