“Të dorëhiqet, të hetohet”, Meta për akuzat e Berishës: Lexonte ato që thoshte Basha

Kryetari i Partisë së Lirisë, Ilir Meta ka folur në lidhje me akuzat që ish-kryeministri Sali Berisha, sot aleat në opozitë, i bëri në vitin 2015 për aferën CEZ-DIA, ku kërkonte dorëheqjen dhe hetimin e tij.

Në emisionin “Now” në Euronews Albania, Meta u shpreh se Berisha lexonte atë çfarë i kishte thënë ish-kryedemokrati, Lulzim Basha.

Sipas Metës, kryeministri Edi Rama kishte stisur një deklaratë dhe përdori Bashën për ta shfaqur në publik.

“E ka trumbetuar sepse ka dëgjuar se çfarë i ka thënë Luli në atë kohë, sepse në atë kohë, këtë histori, Rama e stisi në publik përmes Lulit. I kishte thënë Lulit të lexonte një deklaratë, bazuar në një shkrim spekulativ të BIRN-it, i cili spekulonte emrin që kishte dalë një ish-kryeministër që e kishte përfituar nga kjo kompania transferta, i cili ishte një emër tjetër që dilte nga procesi dhe nga letrat, u përpoqën ta lidhnin me emrin tim”, theksoi ai.

LEXONI GJITHASHTU

• Meta rrëfen për herë të parë prapaskenat e thirrjes në SPAK
• Nga çështja CEZ-DIA te opozitarizmi me Berishën, Ilir Meta sonte në “Now”
• Luftë të brendshme mes Ahmetajt, Ramës e Veliajt? Përgjigjet Taulant Balla