“Të hapur të bashkëpunojmë”, Meta flet pas vizitës në selinë blu

Kreu i Partisë së Lirisë Ilir Meta theksoi se marrëdhënia e tij me PD është e shkëlqyer, ndërsa u pyet se çfarë ndodhi në selinë blu, ku Meta ishte pak më parë.

Në një konferencë për shtyp, Meta tha se janë të hapur të bashkëpunojnë me faktorë opozitarë në interes të ndryshimit të situatës në vend.

“Një gjë është e sigurt që viti 2023 do të jetë viti i ndryshimit. Përsa i përket marrëdhënies tonë me PD është  një marrëdhënie e shkëlqyer dhe takimet e koordinimet tona janë të vazhdueshme. Jemi të hapur të bashkëpunojmë me faktorë opozitarë në interes të ndryshimit të kësaj situate, në interes të rivendosjes së rendit kushtetues dhe për t’i dhënë fund kapjes së shtetit. Ky korrupsion është shkaku kryesor që ne jemi të parët për varfëri jo vetëm në rajon por edhe në kontinent. Shteti është kapur nga Rilindja por opozita do të jetë kudo duke vazhduar denoncimet e saj jo vetëm mediatike por edhe në terren. Opozita do të jetë kudo që janë qytetarët shqiptarë.”- tha Meta.

LEXONI GJITHASHTU: 

• Meta: Pakoja e Madhe e ndihmës ekonomike një paketë qesharake
• “95 mijë objekte nuk do të legalizohen kurrë”, Rabeta tregon cilat janë ato
• FOTO/ Ilir Meta vizitë në selinë e Partisë Demokratike