Të huajt mund të marrin shtetësinë e 2-fishtë, Gjermania gati rregullat e reja

Të huajt që jetojnë në Gjermani nuk do të duhet të heqin dorë nga pasaportat e tyre për të marrë nënshtetësinë gjermane dhe sipas rregullave të reja të hartuara nga Ministria e Brendshme, ata mund të aplikojnë pas vetëm pesë vitesh qëndrimi në vend.

Siç raporton portali kroat Index.hr, aktualisht të huajt duhet të jetojnë në Gjermani të paktën tetë vjet përpara se të aplikojnë për shtetësi. Sipas draftit, periudha e shkurtuar prej pesë vitesh mund të shkurtohet më tej nëse aplikantët tregojnë se janë të integruar mirë, për shembull nga suksesi i jashtëzakonshëm në shkollë ose në punë, nga puna vullnetare ose veçanërisht nga aftësitë e mira gjuhësore.

Fëmijët që kanë lindur në Gjermani dhe prindërit e të cilëve janë të huaj do të mund të kenë gjithashtu shtetësi të dyfishtë. Siç raporton Index.hr, ndryshimet në procedura janë pjesë e reformës së gjerë të politikës gjermane të migracionit dhe integrimit të zbatuar nga koalicioni i socialdemokratëve, të gjelbërve dhe Partisë Liberale Demokratike të Lirë.

Qytetarët e Bashkimit Evropian mund të ruajnë shtetësinë e tyre edhe pasi të kenë marrë një pasaportë gjermane.

LEXONI GJITHASHTU:

• Gjermania mirëpret uljen e tensioneve në veri të Kosovës
• Gjermania arreston një shtetas të dyshuar për spiunazh për Rusinë