Vetingu i politikanëve hapi i parë i dekomunistizimit, thotë Hasimja

Nxjerrja jashtë loje e njerëzve që kanë pasur një rol në kohën e komunizmit është hapi i parë dhe më i shpejtë drejt dekomunistizimit.

Kështu tha pedagogu Ermal Hasimja në emisionin ‘Sot’, ku theksoi se largimi i këtyre njerëzve nga hapësirat publike është urgjent për nxjerrjen e komunizmit nga mendja e shqiptarëve.

“Sot duhet t’u tregojmë njerëzve me emër me mbiemër se kush ishin këta njerëz që ishin shtylla e regjimit dhe të bëjmë analizën ku është problemi i diktaturës, që nuk janë vetëm vrasjet dhe e burgosjet. Duhet vetingu, të mos shohim më në radhët e para të politikës njerëz që i kanë shërbyer regjimit, si Ruçi apo Gjinushi. Dhe të kuptohet çfarë ka ndodhur në Shqipëri, pasi ende 20-vjeçarët s’e dinë çfarë ka ndodhur në Shqipëri. Njerëzit që kanë pasur një rol në atë kohë duhen nxjerrë nga hapësiar publike”, tha Hasimja.

Ai kërkoi rishkrimin e teksteve të historisë, të parregulluar që nga koha e komunizmit.

“Jemi duke e trajtuar komunizmin si një regjim shumë normal ndryshe nga çfarë ka bërë Gjermania. Ne kemi dështuat totalisht tek të treguarit e komunizmit tek brezat e rinj; sot të rinjtë dinë që në komunizëm ishim pak të varfër, por të gjithë ishim të barabartë e të lumtur”, u shpreh Hasimja.

LEXONI GJITHASHTU:

• Basha firmos ‘dekomunistizimin’, u kërkon ndjesë ish të përndjekurve
• Basha: PD po pastrohet nga mbeturinat e komunizmit