“Të marrë dënimin që meriton”- Flet nëna e autorit të vrasjes së Luljeta Prezës

Është mbajtur këtë të hënë në Gjykatën e Durrësit seanca gjyqësore për dhënien e masës së sigurisë për autorët e dyshuar të vrasjes së Luljeta Prezës.

Gjykata ka caktuar masën e sigurisë “Arrest me burg” për Aldo Brahimaj dhe Ylli Gabovarin.

Ky i fundit ka deklaruar në gjykatë se: “Vrasja është kryer nga Aldo Brahimaj, unë kam bërë mbulimin e trupit në mënyrë që të mos dukej trupi dhe të gjendej nga policia”.

Në një deklaratë për mediat që ka dhënë nëna e Aldo Brahimajt shprehet se nuk kishte informacion se çfarë bënte i biri në Durrës, duke nënvizuar se janë në kushte shumë të vështira ekonomike.

Ajo kërkoi dënimin e të birit nëse është autor i vrasjes së 32-vjeçares.

“Kishte disa javë që ishte larguar nga shtëpia për të punuar në Durrës duke mbledhur hekura. Nëse ai e ka kryer vrasjen, le të marrë dënimin që i takon”, ka deklaruar nëna e tij Donika Hamzai.

Përsa i përket familjarëve të 32-vjeçares nuk ka patur asnjë të pranishëm në seancën gjyqësore apo dhe gjatë procesit të hetimeve.

Në perfundim gjykata ka vlerësuar të ligjshëm arrestimin e dy atorëve të dyshuar për ngjarjen, duke vendosur masën personale “Arrest me burg”.

LEXONI GJITHASHTU:

• Vranë me thikë 32-vjeçaren në Durrës, lihen në burg të arrestuarit
• Vranë 32-vjeçaren dhe trupin ia lanë të Ura e Dajlanit, këta janë dy autorët (FOTO)