Të miturit azilkërkues në rënie, Hamataj rendit arsyet  

Ornela Hamataj, koordinatorja e projektit “Terre Des Hommes Albania” u shpreh për “Mirëmëngjes” në Euronews Albania se duke parë shifrat ka viti 2016 dhe më herët e deri në vitin 2021 ka një tendencë në rënie sa i takon azilkërkuesve.

Sipas një studimi ajo tregoi se piku i largimit nga Shqipëria ishte në vitet 2016-2019.

“Në 2016-tën shifrat kalonin deri në 160 të mitur të pashoqëruar, ndërkohë në 2020-tën kishim një rënie prej 75 fëmijësh dhe po flasim për 2021-shin ku numri është në 70,” – tha Hamataj.

Arsyet kryesore të largimit të fëmijëve, kryesisht të grupmoshës 14-17 vjeç, janë kushtet social-ekonomike.

Duke marrë parasysh këto arsye, Hamataj u shpreh se fëmijët trajtohen në shtetet ku ndodhen, sigurisht në varësi të politikave të vendeve përkatëse, që në të gjitha rastet lajmëronë shtetin shqiptar për personin që ndodhet në territorin e tyre dhe kërkon azil.

LEXONI GJITHASHTU:

• 70 të mitur shqiptarë kërkuan azil në BE gjatë 2021-shit