Të premten pritet të zbardhet nga dëbora Dardha dhe Voskopoja

Dita e sotme pritet të jetë e qetë në Korçë, ku sipas sinoptikanëve, nuk do të ketë reshje të dendura të shiut.

Gazetari i Euronews Albania, Xhensil Shkëmbi raportoi se ditën e nesërme do të ketë rrebeshe shiu, ndërsa dëbora e parë pritet të bjerë të premten, kryesisht në fshatrat Dardhë dhe Voskopojë.

“Ditën e sotme, sipas sinoptikanëve, nuk pritet që të ketë problematika dhe reshje të dendura të shiut. Dita e nesërme do të ketë rrebeshe shiu, ndërsa përsa i përket kanalev e kulluese, problematika e vetme ka qenë në 5 fshatrat e njësisë administrative të Moglicës, të cilat ende janë pa energji elektrike.

Dëbora pritet ditën e premte, kur temperaturat pritet të shkojnë në -2 gradë celcius, pritet të jetë dëbora e parë, kryesisht në fshatrat turistikë të Dardhës dhe Voskopojës”, theksoi Shkëmbi.

Prej 48 orësh, moti i keq ka përfshirë Shqipërinë. Situata vijon të mbetet problematike në qarkun e Shkodrës, për shkak të reshjeve të dëndura të shiut.

Mbi 480 familje aktualisht janë nën ujë dhe deri më tani janë evakuuar 30 familje. Zonat më problematike janë në njësitë: Dajç, Velipojë, Gur i Zi, Bërdicë dhe një lagje e qytetit, Ajasëm.

LEXONI GJITHASHTU

• “S’njoh as Ramë, as Berishë e Metë”, revoltohet kryeplaku në Obot: S’kemi ndihmë!
• ‘Nuk komentoj deklarata politike’, Spiropali në Obot: Do u gjendemi pranë banorëve
• Berisha për përmbytjet: KESH kreu krim, nuk njoftoi që po hapte turbinat