“Të rinjtë në ballë të protestave”, Berisha: Ka ardhur koha t’i dilni zot vendit

Nga Libohova, gjatë një takimi me qytetarët, Sali Berisha u bëri thirrje të rinjve shqiptarë të jenë në ballë të protestave dhe reagimeve kundër qeverisë.

Teksa ngriti shqetësimin e çmimit të lartë të karburantit, kryedemokrati Berisha ia faturoi përgjgjësitë qeverisë që sipas tij po vjedh të gjitha pasuritë kombëtare.

“30-40% më të lartë se Kosova që nuk prodhon një tonë naftë, më të lartë se Mali i Zi, e Maqedonia. Të ndalojmë këtë rrokullisje të madhe. Në këtë betejë ju bëjë thirrje të dilni në krye të përpjekje qoftë për një fushatë elektorale model. Por qoftë dhe për protesta të fuqishme”

Shqetësimin për çmimin e naftës e ngriti edhe deputeti i Partisë së Lirisë, Petrit Vasili, i cili qeverisë i kërkoi të ulë taksat, ndërsa qytetarëve u kërkoi reagim të menjëhershëm.

“Pasqyra e këtij mafioziteti të jashtëzakonshëm është pikërisht çmimet në Maqedoni, Mal të Zi e Kosovë. Heqjen e taksës së qarkullimit dhe karbonit, për të lehtësuar e për të ulur çmimin. Mafia e qeverisë në Kuvend e ka bllokuar totalisht. Reagimi qytetarë është e vetmja zgjidhje.

Vetëm një ditë më parë bordi i transparencës  mori vendimin për të rritur çmimin e naftës me 20 lekë, duke e tregtuar për qytetarët në 245 lekë për litër.

LEXONI GJITHASHTU: 

• Neorologu Genc Çakçiri tregon mënyrat se si mund të çlodhni trurin
• Putin thotë se lufta mund të vazhdojë derisa “ukrainasi i fundit të mbetet në këmbë”
• Ngjela: Nëse e drejton Sali Berisha, PD do shpallet non grata nga Uashingtoni