“Të shkojë në SPAK”, Malaj: Të ndëshkohet për paratë që do i japim Becchettit

Ish-ministri i Financave, Arben Malaj tha për “Now me Erla Mëhillin” se gjithnjë e më tepër Shqipëria është e rrezikuar nga papërgjegjshmëria dhe dikush duhet të marrë ndëshkim konkret për paratë që do i jepen Becchettit nga taksapaguesit shqiptarë.

“Unë jam deklaruar publikisht dhe ndoshta opozita e ka numrin e deputetëve, qoftë dhe një deputet i vetëm mund të bëjë propozim në ligjin e buxhetit që çdo vendim i Gjykatës Ndërkombëtare që penalizon taksapaguesit shqiptarë duhet të shkojë për hetim të thelluar në SPAK dhe është shpërdorim detyre, me apo pa vetëdije.

Në këto raste vendimi i gjykatës, kur argumenton se penalizohet qeveria shqiptare, jep argumente konkrete se kush e ka krijuar këtë problem dhe pikërisht në atë gjykim, po të lexohet me kujdes, gjenden aktorët ose individët që i kanë dhënë të drejtë Becchettit që të dalë fitues. Këto garanci juridike jepen shumë edhe për riskun politik,” – deklaroi Malaj.

LEXONI GJITHASHTU:

• “Do të të shporr nga Shqipëria”, Spahiu: Rama sillej si bajraktar me Becchetin
• Manjani tregon prapaskenat si ministër drejtësie: Si nisi lufta e Rama-Becchetti