“Të shkojnë në Serbi ose do t’i fusim në burg”, Kurti: Do mbrojmë vendin nga bandat

Kryeministri i Kosovës Albin Kurti ka thënë se “nuk e paramendon” zvogëlimin e pranisë së Policisë së Kosovës në komunat veriore të vendit, pa u larguar “bandat kriminale të nacionalizmit e shovinizmit të djathtë ekstrem, të cilët e adhurojnë Millosheviçin e Putinin”.

Kërkesën që njësitë speciale të Policisë së Kosovës të zëvendësohen me trupat e KFOR-it, e kanë paraqitur përfaqësuesit e Listës Serbe, si kusht për të tërhequr protestuesit serbë nga ndërtesat e komunave në veri, ku edhe janë tubuar 4 ditët e fundit.

“Ata, ose le të shkojnë në Serbi, ose duhet t’i çojmë në burg. Mirëpo, nuk ka mundësi që ne të mos i mbrojmë asetet dhe ndërtesat e Republikës nga bandat e tilla. Kur ato të largohen ose mbyllen ne do të mund ta zvogëlojmë prezencën”, tha kryeministri.

Ai ka mbështetur edhe njëherë qëndrimin e tij se kryetarët e rinj të komunave në veri të Kosovës duhet të punojnë nga zyrat e tyre nëpër ndërtesa të komunave përkatëse.

LEXONI GJITHASHTU:

• “Kurti po dialogon me Perëndimin”, Basha: Ja çfarë pritet të ndodhë
• Rama takon Vuçiç në Moldavi, zbardhen detaje nga biseda