“Kurti po dialogon me Perëndimin”, Basha: Ja çfarë pritet të ndodhë

Deputeti i Vetëvendosjes, Dimal Basha tha në një intervistë për Euronews Albania se kryeministri i Kosovës, Albin Kurti po dialogon me Perëndimin.

Sipas tij çfarë po ndodh në Veri është një proces që e ka njohur vetë bashkësia ndërkombëtare dhe janë në një komunikim të vazhdueshëm.

“Mendoj se kryeministri është duke punuar për një zgjidhje të tillë, por siç e ka thënë dhe kryeministri duhet të hiqen bandat kriminale, ose të shkojnë në Serbi, ose të futen në burgje në Kosovë dhe pastaj përshkallëzohet situata, sepse tensionimi ka ndodhur për shkak të bandave kriminale.

Republika e Kosovës është një dhe e vetme. Nuk mundemi ta ndajmë as në komuna, as në krahina, këtë e ka njohur bashkësia ndërkombëtare dhe ne na lavdërojnë në secilin raport kur thonë se Kosova prin në rajon me luftimin e krimit, korrupsionit, sundimin e ligjit dhe kjo të ndodhë edhe në veri të vendit,” – u shpreh Basha.

Ai shtoi se nga bandat kriminale në Veri nuk vuajnë vetëm qytetarët e Kosovës, por dhe vetë serbët.

LEXONI GJITHASHTU:

• Vuçiç: Serbia i zbatoi të gjitha detyrimet ndërkombëtare, Kosova asnjë
• Ambasadori amerikan në Serbi: Ia bëmë të qartë Prishtinës, do përballet me pasojat