Të shpallur në kërkim për trafik e shitje droge, arrestohen 2 persona në Rinas

Policia e Rinasit ka arrestuar 2 persona të shpallur në kërkim dhe trafik dhe shitje droge. Në pranga ka rënë shtetasi Klajdi Çela banues në Tiranë, i dënuar më parë në Gjermani, për trafikim narkotikësh.

Ky shtetas do të ekstradohet drejt Italisë, pasi Gjykata e Pavias, Itali, me vendimin e datës 24.10.2019, i ka caktuar masën e sigurisë “Arrest në burg”, për veprën penale “Trafikim droge”, parashikuar nga Kodi Penal italian. Maksimumi i dënimit është 20 vjet burgim.

Është arrestuar gjithashtu edhe shtetasi Sali Allushi, 59 vjeç, banues në Elbasan, i shpallur në kërkim ndërkombëtar pasi Gjykata e Rrethit Gjyqësor Elbasan, në vitin 2014 e ka dënuar 59-vjeçarin me 7 vjet e 5 muaj burgim, për veprën penale “Prodhimi dhe shitja e narkotikëve”. Me datë 15.10.2011, në dalje të qytetit të Elbasanit, 59-vjeçari është kapur teksa shiste në bashkëpunim me 2 shtetas të tjerë, sasi lënde narkotike heroine.

LEXONI GJITHASHTU:

• Mashtroi si viktimë prostitucioni për të shkuar në Angli, arrestohet e reja në Rinas
• Me tufat me para në çantë, e  pëson keq 49-vjeçari në Rinas