“Të shtëna brenda lokalit”, si u vra Ardian Nikulaj në Shëngjin

Korrespondenti i Euronews Albania, Teodor Gjerga raportoi nga Shëngjini aty ku pasditen e së mërkurës është vrarë Ardian Nikulaj.

“Është qëlluar me armë nga persona të paidentifikuar në drejtim të këtij shtetasi i cili ndodhej brenda biznesit të tij në shëtitoren e pedonales në Shëngjin”, tha Gjerga.

Nikulaj ka qenë ish-kandidat i PSD, për deputet në zgjedhjet parlamentare të vitit 2021.

Ndërkohë, këtë vit, Nikulaj mbështeste kandidatin e socialistëve në zgjedhjet vendore.

Policia ka ngritur grupe kontrolli në të gjithë zonën për të kapur autoriët e ngjarjes.

Biznesmeni u ekzekutua në ambientet e brendshme të lokal “Coral”, që është në pronësi të tij, nga dy persona të cilët mbërritën me motor.

Njëri prej autorëve me skafandër në kokë u fut në ambientet e lokalit dhe qëlloi dy herë ndaj biznesmenit duke e lënë të vdekur.

LEXONI GJITHASHTU:

• Identifikohet viktima në Shëngjin, ish-kandidat për deputet
• Të shtëna me armë, vrasje në Shëngjin