“Të shtëna dhe gurë”, përleshje fizike mes serbëve dhe KFOR-it në Zveçan

Gazetari i Euronews Albania, Kosovë Gjoci raportoi se KFOR-i ka mundur të shpërndajë protestuesit serbë në Zveçan, megjithatë dhuna vazhdon.

Ai u shpreh se ka pasur të shtëna me armë dhe goditje me sende të forta, ndërsa theksoi se deri në këto momente nuk raportohet për të lënduar.

“Kemi parë ushtarët e KFOR-it duke tërhequr zvarrë disa nga kolegët e tyre në momentin kur ka filluar përplasja dhe kur janë hedhur mjetet shpërthyese në drejtim të tyre. Kemi parë me sytë tanë dhe i kemi xhiruar, por për shkak të internetit e kemi të pamundur t’i dërgojmë. I është vënë flaka dhe një makine që me gjasë është e Policisë së Kosovës. Tani situata është pak më e qetë,” – tha Gjoci.

Në Zveçan, vetë kryetari i Listës Serbe ka qenë ai që ka udhëhequr protestuesit të cilët kanë dhunuar dhe ekipet e mediave me çfarë kanë gjetur, nga gurët te shishet e qelqit e te mjetet shpërthyese.

LEXONI GJITHASHTU:

• Digjet makina e një medie në veri të Kosovës
• Trazirat në Veri janë politike, avokati: Vuçiç ka manipuluar situatën