Të shtëna me armë zjarri në Shijak, plagoset një 50-vjeçar

Një plagosje me armë ka ndodhur mbrëmjen e kësaj të enjteje, rreth orës 22:10, në lagjen “Popullore” në Shijak, ku i lënduar ka mbetur një 50-vjeçar.

Policia bën me dije se ka identifikuar autorin, shtetasin E. H., 38 vjeç, i cili dyshohet se pas një konflikti për motive të dobët ka plagosur me armë zjarri pistoletë, shtetasin A. Ç., 50 vjeç, banues në Shijak

50-vjeçari po merr kujdesin e nevojshëm mjekësor në spital, ndërkohë që policia ka rrethuar zonën dhe po vijon përpjekjet për ndalimin e autorit.

Grupi hetimor ndodhet gjithashtu në vendngjarje dhe po punon për sqarimin dhe zbardhjen e plotë të rrethanave të ngjarjes.

LEXONI GJITHASHTU:

• U kapën për vrasje në tentativë, jepet masa e sigurisë për 2 të rinjtë

• I shpallur në kërkim për vrasje në tentativë, arrestohet 23-vjeçari