Të shtëna me armë zjarri në Shkodër, 2 të vdekur mes tyre dhe një kalimtare

Një ngjarje e rëndë ka ndodhur pasditen e kësaj të mërkure në qytetin e Shkodrës, ku raportohet për një masakër me 2 viktima dhe dy të plagosur.

Të shtënat me armë zjarri janë shënuar në zonën e njohur si “5 Heronjtë e Vigut”, në lagjen e Dobraçit, ndërkohë që autoritetet janë mobilizuar menjëherë për të hetuar rrethanat e incidentit.

Sipas informacioneve paraprake, kemi të bëjmë me një atentat, ku automjeti me të cilin lëviznin disa të rinj u qëllua me breshëri plumbash nga një tjetër automjet në lëvizje.

Raportohet se mes personave që kanë humbur jetën është dhe 1 kalimtare e rastit.

Dyshohet se objektiv i atentatit janë anëtarë të familjes Lici dhe lidhje të tyre shoqërore.

Euronews Albania mëson se 1 nga viktimat e konfirmuar është shtetasi Hamza Lici, vëllai i të shumëkërkuarit Ibrahim Lici.

Sakaq i plagosur ka mbetur Arlind Bushati, djali i ish-kandidatit të PD për kryebashkiak të Shkodrës, Xhemal Bushati.

Bushati lëvizte në të njëjtin mjet me Hamza Licin, ndaj të cilëve u bë prit dhe u qëllua me breshëri kallashnikovi nga një automjet në lëvizje.

Arlind Bushati vetëm pak javë më parë denoncoi në policinë e Shkodrës një kërcënim që i kishte ndodhur në pedonalen e qytetit, ku persona të paidentifikuar i drejtuan armën teksa po dilte nga një kafene.

Policia ka gritur disa postblloqe në qytetin e Shkodrës dhe po vijon punën për kapjen e autorëve dhe sqarimin e rrethanave të ngjarjes.

LEXONI GJITHASHTU:

• Masakra në Shkodër, Bardhi: Policia është bërë mbrojtëse e krimit, mund ta ndalonte
• Masakra me 2 viktima e 2 të plagosur në Shkodër, familja Lici objektivi i atentatit