“Të ulin sqepin dhe të bashkëpunojnë”- Hila mesazh për Ramën dhe Kurtin

“Unë nuk besoj se Rama dhe Kurti nuk janë takuar, ndërsa takimin me Ramës dhe Vuçiçit nuk e cilësoj  dramatik”, kështu tha Dritan Hila në “Now me Erla Mëhillin”, duke shtuar se me shumë mundësi në Bradislavë, Rama ka hedhur edhe alternativë për zgjidhjen me Vuçiçin.

Megjithatë ai shtoi se bashkëpunimi mes Kosovës dhe Shqipërisë është në pikën më të ulët të këtyre 30 viteve.

“Problemi ynë i madh është se në këtë moment shqiptarët në vend që të paraqiten si 6 milionë, paraqiten si 3+2+1. Në këto momente nëse ne do dimë të paraqitemi me një zë të përbashkët, unë mendoj se të dy duhet të ulin sqepin dhe të bashkëpunojnë”,-tha Dritan Hila.