“Të vijohet përpara me marrëveshjet”, BE e prerë: Të formohet asociacioni

Bashkimi Evropian përsërit kërkesën e tij se duhet të krijohet asociacioni i komunave me shumicë serbe.

I pyetur nga Radio Evropa e Lirë për kushtet e vendosura nga kryeministri i Kosovës, Albin Kurti, për themelimin e Asociacionit, zëdhënësi i BE-së, Peter Stano, tha se blloku nuk i komenton “të gjitha deklarimet  e të tjerëve”.

Ai përsëriti se urgjente për BE-në është që të vijohet përpara  me dialogun dhe zbatimin e marrëveshjeve një prej të cilave është edhe ajo për Asociacionin”.

Kryeministri Kurti, i cili deri më tani ka kundërshtuar krijimin e asociacionit njëetnik, shpalosi para parlamentit gjashtë kushtet për formimin e tij.

Ndër të tjera Kurti u shpreh se asociacioni nuk mund të jetë njëetnik,  dhe duhet të jetë në përputhje me Kushtetutën dhe ligjet e vendit.

BE-ja e ka thënë disa herë se marrëveshja e cila parasheh formimin e asociacionit është obligim ndërkombëtar i Kosovës dhe se ajo duhet të implementohet.

Edhe SHBA-ja e ka vlerësuar si prioritet kryesor formimin e asociacionit.

LEXONI GJITHASHTU:

• Asociacion serb në Kosovë? Gashi: Të trajtohen njësoj edhe shqiptarët në Preshevë
• Kurti tregon kushtet për të pranuar asociacionin