Asociacion serb në Kosovë? Gashi: Të trajtohen njësoj edhe shqiptarët në Preshevë

Avokati Tomë Gashi thotë se duhet të ketë njëtrajtshmëri, teksa ka komentuar formimin e Asociacionit të komunave me shumicë serbe në Kosovë.

Në një intervistë për Euronews Albania, Gashi u shpreh se nëse serbët kërkojnë Asociacion në Kosovë, e njëjta gjë duhet bërë edhe për shqiptarët që jetojnë në Serbi.

“Më kryesorja është që duhet të ketë njëtrajtshmëri, nëse diçka kërkohet nga Kosova, që të bëhej lidhur me këto asociacione, do duhej që të ishte trajtimi i njëjtë edhe i shqiptarëve në pjesën e Serbisë, ku jetojnë në Medvegjë, Bujanoc dhe vende të tjera.

Nuk mund të lejojmë që serbët të kenë diçka të tillë në Kosovë dhe mos të kenë shqiptarët që janë përafërisisht në numër të njëjtë, por edhe pak më shumë në pjesën e Serbisë. Mendoj që pikënisja është që të flitet për gjëra të tilla”, theksoi ai.

LEXONI GJITHASHTU

• Deputetja: Ne mirëpritëm planin franko-gjerman, Kurti e zvarriti
• Vuçiç në Kuvendin e Serbisë: Ja pika më problematike në propozimin për Kosovën
• Kurti tregon kushtet për të pranuar asociacionin