Temperaturat e larta ulin numrin e turistëve në Mesdhe

Mesdheu tashmë po sheh një ulje të numrit të vizitorëve këtë verë në krahasim me vitin e kaluar.

Vala e vazhdueshme e të nxehtit në të gjithë Evropën Jugore po e dëmton turizmin në Spanjë, pasi destinacionet e Europës veriore dalin si zëvendësues për vizitorët që synojnë të shmangin temperaturat e larta.

Situata po nxjerr në pah efektet e ndryshimeve klimatike në industrinë e turizmit, duke bërë që autoritetet e turizmit në vende si Spanja të ndërmarrin veprime.

Tradicionalisht, turistët zgjedhin Evropën Jugore për diellin dhe temperaturat e larta të saj, por në indeksin më të fundit të perceptimit të klimës, vizitorët në Greqi, Spanjë dhe Francë shprehën pakënaqësinë e tyre për shkak të vapës, e cila tejkaloi të gjitha pritshmëritë e tyre.

Sipas të dhënave të Komisionit Evropian të Udhëtimit (ETC), numri i njerëzve që pritet të udhëtojnë në rajonin e Mesdheut nga qershori deri në nëntor është ulur tashmë me 10% krahasuar me vitin e kaluar.

Ndërkohë së fundmi numri i turistëve po rritet në Mbretërinë e Bashkuar, Danimarkë dhe Republikën Çeke.

LEXONI GJITHASHTU:

• Nëna e 12 fëmijëve: Zoti më ka dhënë fuqi, 25 vite pa bërë gjumin e plotë
• Çoroditen rekordet e klimës, shkencëtarët: Toka në një territor të paeksploruar
• Auditi i fondeve europiane për Bujqësinë, 36 investigime në Ballkanin Perëndimor