“Tempulli” godet sërish në Fier dhe Lushnjë, arrestohen 3 persona

Policia e Fierit ka arrestuar 3 persona, si dhe ka proceduar penalisht 3 të tjerë në kuadër të operacionit të koduar “Tempulli”, për goditjen e personave të përfshirë në aktivitetin e shitjes së lëndëve narkotike.

Policia ka sekuestruar një sasi lënde narkotike, fara kanabisi, peshore elektronike, armë sportive, 7 celularë, si dhe shumë parash të përfituara nga ky aktivitet kriminal.

Materialet procedurale në ngarkim të tyre i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme

“Si rezultat i kontrolleve të shtuara, shërbimet e komisariateve të Policisë Fier dhe Lushnjë dhe shërbimet e Seksionit për Hetimin e Narkotikëve të DVP Fier, në kuadër të megaoperacionit policor antidrogë, të koduar “Tempulli”, kanë goditur 5 raste të tjera të veprimtarive kriminale në fushën e narkotikëve.

U arrestuan në flagrancë shtetasit: A. M., 30 vjeç dhe E. S., 37 vjeç, të dy banues në Fier, pasi nga kontrollet iu janë gjetur dhe sekuestruar si provë materiale, sasi të lëndëve narkotike kokainë dhe cannabis sativa, që posedoheshin me qëllim shitjen në doza, si dhe fara të bimës narkotike cannabis sativa, 1 armë sportive, 1 peshore elektronike, celularë dhe shuma parash të përfituara nga kjo veprimtari kriminale.

-U arrestua shtetasi O. P., 36 vjeç, banues në Divjakë, pasi u kap në flagrancë, në Lushnjë, teksa shiste doza të lëndës narkotike kokainë, të cilat u sekuestruan në cilësinë e provës materiale.

-U referuan materialet në Prokurori ku nisi procedimi në gjendje të lirë për shtetasin Y. V., 21 vjeç, banues në Fier, për shtetasin I. B., 18 vjeç, banues në Lushnjë dhe për një 17-vjeçar, banues në Lushnjë, pasi në 3 raste, u kapën në flagrancë, gjatë tentativave për të shitur në qytetet ku banonin, doza të lëndës narkotike cannabis sativa, të cilat u sekuestruan në cilësinë e provës materiale”, thueht në njoftimin e policisë.

LEXONI GJITHASHTU:

• Kapen me 40 kg kanabis në makinë, arrestohen 3 persona në Lezhë
• Sekuestrohen 7.9 kilogramë kanabis në Tiranë, arrestohen 2 vëllezër