Tenderi 2.3 mln euro, kandidati për Vorën, Indrit Hoxha kallëzim në SPAK

Kandidati i koalicionit “Bashkë Fitojmë” për bashkinë e Vorës, Indrit Hoxha depozitoi sot në SPAK një kallëzim.

Mësohet se bëhet fjalë për një kallëzim penal për një tender 2.3 milionë euro për bashkinë e Vorës.

Në një deklaratë për mediat, ai i ka bërë thirrje SPAK që të hetojë çështjen dhe kushdo që ka vënë dorë mbi dokumente duhet të shkojë para drejtësisë.

Më tej ai shtoi se Prokuroria duhet të hetojë pasurinë e kreut të Bashkisë Vorë, Blerim Shera.

“I bëj thirrje SPAK të sekuestroj dokumentet në Bashkinë e Vorës. Kush ka vendosur dorë mbi taksat e qytetarëve shqiptarë duhet të shkojë para drejtësisë dhe të japë llogari. Qytetarët të bashkëpunojnë me DEA. SPAK të hetojë pasurinë time e familjarëve të mi, gjithashtu të hetojë dhe pasurinë e kryetarit të Bashkisë Vorë dhe familjarëve të tij. Bëhet fjalë për tenderin e pastrimit, i cili është në vlerën 2.3 mln euro. Sot Vora është Bashkia më e pisët. Kam kallëzuar Blerim Sherën”- tha ai.

LEXONI GJITHASHTU: 

• “Like ‘floriri’ përfaqëson Bashkë Fitojmë”, Edi Rama: Turp për demokratët ta votojnë
• Dita Botërore e Lirisë së Shtypit, ambasadorja Kim pret në takim një grup gazetarësh