Tensionet në Veri| Kurti dhe Vuçiç në Bruksel, BE jep detaje për takimet

Kryeministri i Kosovës Albin Kurti dhe presidenti serb Aleksandër Vuçiç, ndodhen këtë të enjte në Bruksel, ku do të takohen me shefin e Politikës së Jashtme të Bashkimit Evropian, Josep Borrell, si dhe të Dërguarin e Posaçëm për Dialogun Kosovë-Serbi Miroslav Lajçak.

Takimet pritet të mbahen duke filluar që prej orës 14:00 të pasdites së sotme. Ndërkohë që në njoftimin zyrtar të BE-së nuk bëhet me dije se do të ketë një takim mes Kurtit dhe Vuçiç.

“Diskutimet do të fokusohen në gjetjen e mënyrave për të de-përshkallëzuar tensionet aktuale në mënyrë që t’i rikthehet zbatimit të Marrëveshjeve të Dialogut, në veçanti Marrëveshjes për Rrugën drejt Normalizimit”, thuhet në njoftim.

Kryeministri i Kosovës njoftoi një ditë më parë se pas vizitës zyrtare në Vatikan, do të shkonte në Bruksel në kuadër të normalizimit të situatës në Veri. Sakaq edhe presidenti Vuçiç, pranoi të shkoj në Bruksel, por tha se nuk do të pranojë të ketë takim me Kurtin.

LEXONI GJITHASHTU:

• Vuçiç pranon ftesën në Bruksel, por pa Kurtin: S’ka kuptim, ai vetëm na jep leksione
• Chollet zbardh takimin me Lajçak, në fokus situata në veri të Kosovës
• Gazetarja përplaset me analistin: Të lutem shumë, mos krahaso Himarën me Veriun