Tensionet për sulmin izraelit në Rafah, deputeti i MB: Britania duhet të ndjekë SHBA

Mbretëria e Bashkuar duhet të ndjekë linjën e SHBA-ve në kërcënimin për tërheqjen e ndihmës ushtarake për Izraelin, nëse ata fillojnë një ofensivë tokësore në Rafah, ka thënë një deputet konservator i MB për BBC.

Sipas mediave të huaja, duke folur për programin World at One, James Sunderland tha se Mbretëria e Bashkuar duhet të rishikojë ndihmën që po i ofron Izraelit.

“E drejta e Izraelit për vetëmbrojtje vjen me përgjegjësi”, shtoi ai.

“Izraelitët kanë vuajtur nga kjo organizatë e ndaluar terroriste për një kohë të gjatë. Por zemërimi i pakontrolluar është një gjë e rrezikshme dhe ajo që izraelitët duhet të bëjnë është të heqin Hamasin si një kërcënim ushtarak dhe terrorist,” tha ai.

Ai vazhdoi më tej duke thënë se Izraeli nuk duhet ta bëjë këtë duke synuar civilët, por vetëm Hamasin.

LEXONI GJITHASHTU:

• Rreth 50,000 njerëz u larguan nga Rafah në 48 orët e fundit
• AP: SHBA pezulloi dërgesën e 3500 bombave në Izrael përpara ofensivës Rafah