Tensionet Turqi-Greqi, Bejleri: Nuk do të ketë përshkallëzim

Tensionet mes dy anëve të Detit Egje janë përshkallëzuar në muajt e fundit.

Kreu i Omonia-s, Fredi Bejleri mendon se nuk do të ketë përshkallëzime, edhe pse rritja e tensioneve mes dy vendeve shton dhe garën për armë.

“Midis të gjitha vendeve, konkretisht edhe midis këtyre dy vendeve nuk ka as dashuri, as respekt, ka vetëm interes. Shteti dhe kryetarët e shteteve janë të detyruar të mbrojnë interesat e vendeve,” – u shpreh Bejleri.

Sipas tij Greqia është brenda strukturave të NATO-s dhe BE-së, ndërsa Turqia mundohet të futet.

Gjatë fundjavës, presidenti turk Erdogan ashpërsoi retorikën e tij kundër Greqisë  duke folur për ishullin e pushtuar  në Egje i cili i përket Greqisë duke kërcënuar se papritur një natë mund të sulmojë.

Athina nuk dëshiron të ndjek retorikën e Turqisë, por po përdor të gjitha mjetet diplomatike që ka. Sipas burime diplomatike, ministri i Jashtëm Dendias menjëherë informoi partnerët europianë duke përfshirë  Joseph Borrell dhe amerikanë.

LEXONI GJITHASHTU:

• Athina informon Këshillin e Sigurimit: Deklaratat e Ankarasë, provokuese