Tentoi të abuzonte me një 25-vjeçare me aftësi të kufizuara, dorëzohet në polici shqiptari në Greqi

Një 64-vjeçar me origjinë shqiptare është vetë dorëzuar në polici në Greqi pasi akuzohet se ka tentuar të përdhunojë një 25-vjeçare me aftësi të kufizuara brenda shtëpisë së familjes së saj në Kypseli.

Ai ishte i shoqëruar nga avokati i tij kur u dorëzua në polici. Nëna e 25-vjeçares e raportoi incidentin në Policinë Helenike kur kuptoi se çfarë kishte ndodhur përmes kamerave të sigurisë sapo u kthye në shtëpi. Ajo e gjeti vajzën e saj duke qarë dhe kontrolloi kamerat e sigurisë.

Vajza mësohet se e goditi shqiptarin në kokë me një tigan dhe më pas e ndoqi me thikë, por 64-vjeçari arriti të shpëtonte.

Në të njëjtën kohë, vajza e 64-vjeçarit pretendon se babai i saj e përdhunoi në moshën shtatë vjeç. Duke folur për mediat greke, vajza zbuloi se 64-vjeçari e përdhunoi kur ishte vetëm shtatë vjeç në shtëpinë e tyre.

“Kur isha shtatë vjeç, babai më përdhunoi një herë në Shqipëri, kur të gjithë ishin larg shtëpisë. Nuk e denoncova kurrë, kisha frikë. Tani, nuk kam të bëj fare me këtë burrë, patëm një grindje shumë të keqe.

I thashë pak kohë më parë gjatë një grindjeje se ai më kishte abuzuar seksualisht dhe se u përpoq të më çmendte, se nuk e di çfarë po them dhe se po e sajoj”, tha ajo.