Një 38-vjeçar është proceduar penalisht pasi është kapur me një sasi eurosh të padeklaruara teksa tentonte të kalonte kufirin me Shqipërinë.

Policia tha se në pikën e kontrollit kufitar në Kakavijë, në dalje të Shqipërisë, u krye kontroll në çantën e shtetasit I. M., ku u gjetën 19 150 euro, të cilat ky nuk i kishte deklaruar konform ligjit.

Në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë, për veprën penale “Mosdeklarimi në kufi i të hollave dhe i sendeve me vlerë”, për shtetasin I. M., 38 vjeç, lindur në Patos, Fier dhe banues në Greqi. Gjithashtu, u sekuestrua në cilësinë e provës materiale, shuma e eurove.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

LEXONI GJITHASHTU:

• Po ndërtonte pa leje lokal në Borsh, procedohet penalisht 45-vjeçari
• Ushtronte dhunë ndaj kunatë së tij, procedohet i lirë një person në Kuçovë