Tentoi të nxirrte nga Shqipëria 22 250 euro pa i deklaruar, procedohet 54-vjeçari

Policia Kufitare në Kakavijë ka kryer kontroll në çantën e një personi me iniciale D. H., nga ku gjetën 22 250 euro, të cilat ky shtetas nuk i kishte deklaruar konform ligjit.

Në vijim të veprimeve procedurale për rastin, specialistët për Hetimin e Krimeve të DVKM Gjirokastër referuan materialet në Prokurori, ku nisi procedimi në gjendje të lirë, për veprën penale “Mosdeklarimi në kufi i të hollave dhe i sendeve me vlerë”, për shtetasin D. H., 54 vjeç, banues në Elbasan. Gjithashtu, u sekuestrua në cilësinë e provës materiale, shuma e eurove.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

LEXONI GJITHASHTU:

• Peleshi refuzon interpelancën e PD me Ramën për Ballukun: Çështja në Kushtetuese
• Parlamenti bullgar rrëzon thirrjen e presidentit për referendum mbi miratimin e euro