Tentoi të trafikonte 53,3 kg kanabis në RMV, Prokuroria kërkon burg për 46-vjeçarin

Prokuroria e Korçës ka kërkuar masën e sigurisë arrest me burg për 46-vjeçarin Elton Grabocka, i cili u kap disa ditë më parë teksa tentonte të trafikonte një sasi lënde narkotike drejt Maqedonisë së Veriut, përmes pikës kufitare të Qafë-Thanës.

“Gjatë kontrollit të ushtruar në automjetin tip “Vokswagen”, të drejtuar nga 46-vjeçari në pjesën ku vendosen këmbët, poshtë sediljes së parë, nga ana e drejtuesit të automjetit u gjet e përshtatur një depozitë/vend, brenda së cilës ndodheshin 11 pako të mbështjella me qese plastmasi, brenda së cilave gjendej një sasi bime e dyshuar si lëndë narkotike e llojit Cannabis Sativa. Në vijim të kontrollit të këtij automjeti, poshtë sediljes së parë nga ana e pasagjerit u konstatua gjithashtu një depozitë, brenda së cilës u gjetën 10 pako të tjera. Më tej, kontrolli vijoi në pjesën e pasme, ku poshtë sediljes u gjetën edhe 30 pako të tjera”, bën me dije prokuroria.

Në total, në automjetin e drejtuar nga shtetasi Elton Grabocka u gjetën 51 pako me mbështjellje plastike të tejdukshme, të cilat kishin në brendësinë e tyre material bimor në gjendje të thatë, me erë dhe karakteristika të ngjashme me ato të bimës narkotike të llojit Cannabis Sativa me një peshë totale 53.332 kilogramë.

LEXONI GJITHASHTU:

• I arrestuar për korrupsion, GJKKO liron kreun e Dhomës së Avokatisë në Korçë
• Turistët e huaj preferojnë Korçën dhe eksplorimet në natyrë, të befasuar nga çmimet