Turistët e huaj preferojnë Korçën dhe eksplorimet në natyrë, të befasuar nga çmimet

Periudha e pranverës është gjithmonë e favorshme për turistët që duan të eksplorojnë natyrën shqiptarë. Gjatë fundjavës, Korça duket e pushtuar nga turistët nga vende të ndryshme të botës, të cilët pjesë të vizitave të qyteteve ballkanike kishin bërë edhe juglindjen e vendit tonë.

Përveç natyrës, ata shijojnë shumë ushqimin tradicional të zonave të Korçës, Dardhës dhe Voskopojës. Të gjithë shprehen se çmimet janë shumë të lira dhe për këtë arsye ata premtojnë se do të rikthehen sërish.

“Vij nga Austria, në fakt kam ardhur me biçikletë nga Mali i Zi, shkova në Kosovë pastaj u ktheva në Shqipëri. Me pëlqen shume natyra edhe pse në moshën 85 vjeçare po shijoj” rininë “time dhe tani do iki në Strugë në Maqedoni.”

“Kam qenë duke ngarë biçikletën prej vitesh, vendosa të vij prap në Shqipëri këtë herë me biçikletë. Qëndrova disa ditë në Greqi, më pas Maqedoni e tani erdhëm në Korçë. Na pëlqen shumë, çmimet për ne janë të lira”.

“Vijmë nga Gjermania, është hera e dytë në Shqipëri. Ishim Tiranë, në Butrint, në Durrës e tani në Korçë. Gjithçka duket fantastike”.

“Jam nga Mainz i Gjermanisë. Kam dy ditë në Korçë, gjëja më e mirë është birra. Çmimet janë fantastike”.

“Kemi bërë një xhiro nëpër Shqipëri. E duam Shqipërinë, vijmë nga Italia, nga Torino dhe shpresojmë të vijmë përsëri”

Burime zyrtare bëjnë me dije se gjatë 4 muajve të parë të këtij viti qytetet e juglindjes së vendit janë vizituar nga më shumë se 50.000 turistë të huaj.

LEXONI GJITHASHTU:

• Gomonia pëson defekt në det, Policia shpëton 12 persona në Vlorë, 11 ishin turistë
• Qendrat e artizanatit tërheqin turistët në Gjirokastër, hapen ambjente trajnimi