Policia e Durrësit ka arrestuar një 36-vjeçar pasi ka tentuar të vjedhë në një automjet në këtë qytet gjatë natës.

Ndërkohë, është shpallur në kërkim pronari i automjetit, që dyshohet të jetë bashkëpunëtor i tij.

“Specialistët për Hetimin e Krimeve të Komisariatit të Policisë Kavajë, pas kallëzimit nga një shtetas, se kishin tentuar të vidhnin në automjetin e tij, në fshatin Luz i Vogël, kanë organizuar menjëherë punën për identifikimin dhe kapjen e autorit. Nga hetimet dyshohet se mbrëmjen e djeshme, shtetasi G. G. ka tentuar të vjedhë sende personale nga automjeti i parkuar pranë një karburanti, në fshatin Luz i Vogël.

Si rezultat i veprimeve të shpejta, shërbimet e Policisë e kanë kapur në flagrancë shtetasin G. G., duke drejtuar pa leje drejtimi automjetin në pronësi të shtetasit S. B., i cili dyshohet të jetë bashkëpunëtor i 36-vjeçarit, për këtë vjedhje”, bëri me dije policia.

Në vijim  të veprimeve procedurale u arrestua në flagrancë shtetasi G. G., 36 vjeç, banues në Kosovë, dhe u shpall në kërkim shtetasi S. B., 39 vjeç.

LEXONI GJITHASHTU:

• Aksident me vdekje në aksin Plepa-Kavajë, humb jetën 50-vjeçarja
• I pari në primare por jashtë listës, Hysen Kadiu reagon pas fitores së PD në Kavajë