Tentuan të fusnin 1800 litra naftë kontrabandë nga RMV, arrestohen 3 shoferë

Policia e Korçës ka arrestuar në flagrancë 3 shtetas që tentuan secili të kontrabandonin nga Maqedonia e Veriut, 600 litra naftë që e kishin fshehur në depozita shtesë në kamionët që drejtonin.

Në vijim të veprimeve procedurale, u arrestuan në flagrancë shtetasit: D. G., 36 vjeç, E. P., 40 vjeç dhe G. L., 27 vjeç, të tre banues në Pogradec, për veprat penale “Tregtimi dhe transportimi i mallrave që janë kontrabandë”, “Ruajtja apo depozitimi i mallrave kondrabandë” dhe “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”.

Në hyrje të PKK Qafë Thanë, gjatë kontrollit në secilin nga kamionët që drejtonin këta shtetas,  shërbimet e Policisë kanë konstatuar një depozitë shtesë me 600 litra naftë, që ishte fshehur me qëllimin për ta futur në Shqipëri, duke shmangur detyrime tatimore.

Gjatë operacionit u sekuestruan 1800 litra naftë dhe 3 kamionët.

LEXONI GJITHASHTU:

• Ilaçe dhe cigare kontrabandë nga Greqia, arrestohet 39-vjeçari. E pëson dhe vjehrri
• Po transportonte 32 kuti me ilaçe kontrabandë, procedohet 55-vjeçari nga Berati