Teologu: E dhimbshme që nëna i heq me forcë shaminë vajzës në ditën më të lumtur

Së fundmi në mediat turke është bërë shumë virale një video teksa nëna i heq me forcë shaminë nga koka vajzës së saj teksa ajo po martohej.

Teologu Neki Kaloshi tha në një intervistë për “Good morning Albanians” në Euronews Albania se është e dhimbshme që nëna t’i heqë me forcë shaminë të bijës në ditën më të lumtur të jetës së saj e rrjedhimisht t’ia shkatërrojë atë.

“Realisht videoja është e dhimbshme, ku dy njerëz që janë njerëzit më të afërt, që nuk mund të futet njeri mes tyre, mes nënës dhe vajzës, në ditën më të lumtur të vajzës, që duhet ta theksojmë, nëna bën këtë sjellje. Ajo që është më shqetësuese është se çfarë e shtyu nënën të bëjë këtë sjellje në ditën më të lumtur të vajzës. Është pikërisht ajo fryma që e stigmatizon mbulesën,” – u shpreh Kaloshi .

LEXONI GJITHASHTU:

• “Si të mos e lejoja?!”, psikologia e mbuluar: Vajza ime m’u lut të vinte shami
• “Nuk isha as me dekolte”-shqiptarja “përplaset” me vajzën e mbuluar në Turqi