“Tërbim i non-gratave”, Rama u përgjigjet akuzave për portin| 5 ngjarje

• Akuzat për Portin e Durrësit, Rama: Tërbim i non grata-ve, investim me vlerë

Në konferencën e përbashkët me ministren e Ekonomisë, Delina Ibrahimaj, kryeministri Edi Rama iu është rikthyer sërish akuzave të opozitës sa i takon investimit në Portin e Durrësit.

Në fjalën e tij Rama nënvizoi se ky është një projekt që do zhvillojë qytetetin e Durrësit dhe do të rrisë vlerën e pronave në zonë.

Lexoni për më shumë: Akuzat për Portin e Durrësit, Rama: Tërbim i non grata-ve, investim me vlerë

• Ibrahimaj sfidon mediat: Vërtetoni pretendimet për Bordin

Ministrja e Ekonomisë dhe Financave, Delina Ibrahimaj tha në një konferencë për mediat se Bordi i Transparencës përcakton çmimet e tregtimit të hidrokarbureve prej një viti dhe sfidoi mediat të vërtetojnë çfarë thuhet për funksionimin e tij.

Ajo deklaroi se efektet e uljes së marzhit të tregtimeve të hidrokarbureve janë të matshme dhe të llogartishme nga çdo qytetar që mund të kërkojë informacion.

Lexoni për më shumë: Ibrahimaj sfidon mediat: Vërtetoni pretendimet për Bordin

• OKB: Popullsia e botës i ka kaluar tetë miliardë njerëz

Popullsia e botës sot i ka kaluar tetë miliardë njerëz, njoftuan Kombet e Bashkuara, duke paralajmëruar se rajonet që tashmë përballen me mungesë burimesh për shkak të ndryshimeve klimatike janë në më shumë vështirësi, raporton Reuters.

Arritja e tetë miliardë njerëzve është “një shenjë e suksesit të njerëzimit, por është gjithashtu një rrezik i madh për të ardhmen tonë”, tha John Wilmot, drejtor i departamentit të popullsisë së OKB-së. Vendet me të ardhura mesatare, kryesisht në Azi, përbëjnë pjesën më të madhe të kësaj rritjeje, duke rritur popullsinë e tyre me rreth 700 milionë njerëz që nga viti 2011.

Lexoni për më shumë: OKB: Popullsia e botës i ka kaluar tetë miliardë njerëz

• OKB: Edhe Rusia edhe Ukraina torturuan të burgosurit

Zyra e OKB-së për të Drejtat e Njeriut (OHCHR) tha të martën se Rusia dhe Ukraina kanë torturuar të burgosur të luftës gjatë konfliktit gati 6-mujor me tyre,

Ekipi monitorues i OKB-së, me bazë në Ukrainë, tha se i bazon gjetjet e tij në intervistat me më shumë se 100 të burgosur lufte në secilën anë të konfliktit.

Lexoni për më shumë: OKB: Edhe Rusia edhe Ukraina torturuan të burgosurit

• Macron i kërkon Xi ta kthejë Putinin në tryezën e bisedimeve 

Presidenti francez Emmanuel Macron i kërkoi sot presidentit kinez Xi Jinping të përpiqet të bindë presidentin rus Vladimir Putin që të “kthehet në tryezën e bisedimeve”, njoftoi Pallati Elysée pas bisedimeve midis Macron dhe Xi në margjinat e samitit të G20 në Bali.

Macron kërkoi që “Kina të kontribuojë për t’i përcjellë mesazhe presidentit Putin në mënyrë që të shmanget përshkallëzimi dhe të kthehet seriozisht në tryezën e bisedimeve”, tha presidenca franceze në një deklaratë të transmetuar nga BFMTV.

Lexoni për më shumë: Macron i kërkon Xi ta kthejë Putinin në tryezën e bisedimeve