Një tërmet me magnitudë 4.4 të shkallës Rihter ka goditur këtë të premte qytetin e Shkodrës.
Sipas Qendrës Europiane të Sizmologjisë, epiqendra e tërmetit është regjistruar 14 kilometra në jug të Shkodrës, në zonën e njohur si Fshati i Ri. Deri më tani nuk ka pasur njoftime për dëme materiale.
Raportohet se lëkundjet kanë qenë të forta dhe janë ndjerë edhe në Malin e Zi.
Ndërkohë që sipas rrjetit Kombëtar të Monitorimit Sizmik tërmeti ka qenë me magnitudë 4.1 ballë të shkallës rihter, ndërkohë që thellësia e tij fokale raportohet në 11 km.
Sipas komunikimeve paraprake me përfaqësuesit e pushtetit lokal, strukturat e mbrojtjes civile të Bashkisë Shkodër dhe Qarkut Shkodër nuk raportohen dëme materiale.
Agjencia Kombëtare e Mbrojtjes Civile mbetet në ndjekje të situatës.
LEXONI GJITHASHTU:
- Lëkundje tërmeti në Elbasan, sa ishte magnituta
- Një tërmet i fuqishëm godet Japoninë, jepet alarmi për cunami