Gazetari Poli Hoxha ishte i ftuar këtë të martë në një lidhje të drejtpërdrejtë me studion e Euronews Albania, ku foli në lidhje me ngritjen e akuzës zyrtare nga SPAK për ish-zv. kryeministrin Arben Ahmetaj.
Hoxha tha se hetuesit kanë futur në sitë të gjithë pasurinë e Ahmetaj dhe deklarimet e bëra prej tij ndër vite.
Gazetari risolli dhe në vëmendje deklaratën e ish-zv. kryeministrit se ai “ka hyrë në politikë i pasur”.
Hoxha tha se Ahmetaj milionin e parë e ka bërë përmes kompanisë Hermes, për të cilën u hetua në lidhje me impulset telefonike.
“Në dijeninë time zotit Ahmetaj i është marrë komplet gjithë dokumentacioni ndër vite i deklarimit të pasurisë. I është identifikuar pasuria vetjake që unë kam hyrë në politikë i pasur, me historinë që ka pasur me firmën Hermes. U hetua, iku në Rumani atëherë, u rikthye në 2005-ën, kandidoi për deputet në njësinë numër 7 të Tiranës.
Domethënë milionin e parë, që thueht mos më puesni për milionin e parë, ai e ka kopsitur me çështjen e impulsive të Telekomit dhe kompanisë së famshme Hermes”, tha Hoxha.
LEXONI GJITHASHTU
- Ahmetaj nën hetim, gazetari: BKH nën trysni i mori kodin e telefonit bashkëjetueses
- Ahmetaj nën hetim nga SPAK, gazetari: Ja çfarë e ‘fundosi’ ish zv.kryeministrin
- Arben Ahmetaj merret zyrtarisht i pandehur nga SPAK, tre akuzat e ngritura
