Gazetari i Euronews Albania, Eni Ferhati thotë se ishte e prishtme që Prokuroria e Posaçme (SPAK), do të merrte si të pandehur ish zëvendëskryeministrin Arben Ahmetaj, nisur edhe nga zhvillimet e javëve të fundit.

Ferhati u shpreh se momenti determinant për marrjen në hetim, ishin kontrollet e banesave të ish bashkëshortes dhe bashkëjetueses së Ahmetajt.

“Në fakt, pritej që zoti Ahmetaj të ishte një person zyrtarisht nën hetim nga SPAK, nisur nga zhvillimet e javëve të fundit, por momenti më determinant ishte kontrolli i banesës së bashkëjetueses së tij në një zonë rezidenciale në Gjirin e Lalzit. Po ashtu, sipas informacioneve, objekt i kontrolleve të kryera nga agjentët e BKH, ishin pasuritë e tjera të ish-bashkëshortes së Ahmetajt, në zonën e jugut, por edhe dy banesa në kryeqytet.

Ahmetaj i është drejtuar me një ankim Gjykatës së Apelit. Ahmetaj pretendon se para  se SPAK dhe GJKKO të miratonin kontrollin e këtyre pasurive, duhet të merrte miratimin e Kuvendit”, theksoi ai.

LEXONI GJITHASHTU

• Arben Ahmetaj merret zyrtarisht i pandehur nga SPAK, tre akuzat e ngritura
• “S’keni autorizim nga Kuvendi” Ahmetaj kundërshton kontrollin e banesës së partneres
• “Kryeministri të mos bëjë gjykatësin!”- Rama i përgjigjet Ahmetaj