Thëllëzat i ndryshuan jetën, fermeri u kurua me vezët e tyre dhe e ktheu në biznes

Për 25 vjet me radhë, Ilir Kanani jetoi dhe punoi në Gjermani. Një sëmundje e shfaqur pak kohë më parë, i ndryshoi rrjedhën e jetës. Ai u kthye në Berat për tu kuruar. Pas shumë konsultave dhe diagnostikimit të sëmundjes, mësoi se vezët e thëllëzës ishin kurative për të.

Kura që i rekomanduan përveçse ishte efikase dhe e shëroi, i hapi edhe një mundësi për të bërë biznes. Iliri nisi mbarështimin e thëllëzave japoneze, të cilat i ndryshuan jetën.

 “Ideja ishte se unë kisha disa probleme me shëndetin dhe dëgjova diku që këto vezët e thëllëzës janë kurative, të kurojnë për ato probleme që unë i kisha, dhe mendova se po vë disa, rezultati ishte absolut special, dhe kështu filloi. E nisa në fillim me 100 copë dhe tani kam diku te 2000 copë”, -tha Ilir Kanani, fermer.

Pasi biznesi mori formë, nisën dhe kërkesat e para për shitjen e vezëve, por jo vetëm.

 “Vijnë më kërkojnë vezë po më shumë kam kërkesa për thëllëzat, restorantet i duan të therura të pastuara”, -tha Ilir Kanani, fermer.

“Ja nisa me këtë  ndihem shume shumë më mire dhe jam aktiv”, -tha Ilir Kanani, fermer.

Iliri tregon se gjithçka e ka ngritur me shpenzimet e tij dhe se nuk ka marrë kurrë ndihmë nga shteti përmes subvencioneve.

 “Deri tani nuk kam pasur asnjë mbështetje janë çdo gjë me forcat e mia dhe po mendoj ta zgjeroj më shumë nëse më mbështesin me suvencion ose me ndonjë ndihmë tjetër, por më vonë nuk e di të shohim, por ideja është që dua ta zgjeroj sot i kam 2000 krerë por kam dëshirë që ti bëj 20 mijë krerë”, -tha Ilir Kanani, fermer.

Për këtë biznes, i cili ndodhet në lagjen Uznovë të Beratit, kujdesen edhe familjarët.

LEXONI GJITHASHTU:

• “Në Himarë do kemi sërish zgjedhje”, Kocaqi: Beleri s’mund të jetë kryebashkiak
• “Ishim në lokal, po shihnim ndeshjen”- Dëshmia e babait që iu vra djali përpara syve