“Në Himarë do kemi sërish zgjedhje”, Kocaqi: Beleri s’mund të jetë kryebashkiak

Historiania Elena Kocaqi u tregua e prerë ndërsa u pyet në rast se Fredi Beleri do të mund të ishte krybashkiak i Himarës.

E ftuar në Euronews Albania Kocaqi tha se nuk do ishte e mundur që Beleri të kryente funksionin e tij si kryebashkiak i Himarës, pasi ai është në një proces penal, i cili mund të zgjasë edhe dy vite dhe edhe sikur në fund të rezultojë i pafajshëm sërish Himara nuk do mund të qëndrojë dy vite pa kryebashkiak ndaj zgjedhjet do të përsëriten.

“Jo, nuk besoj. Nuk besoj sepse ka një proces penal të hapur dhe sikur ky proces të zgjasë të paktën dy vjet apo dhe pas dy viteve sikur të shpallet i pafajshëm sipas ligjeve që janë në fuqi, zgjedhjet duhet të bëhen brenda vitit në Himarë sepse duhet të ketë një kryetar bashkie atje, pasi nuk mund të rrinë pa një kryetar bashkie.

Nëse ai do të shpallej fajtor ai nuk duhet të jetë fare në politik, edhe nëse do ishte do duhej të jepte dorëheqjen, ndërsa në lidhje se si do të vazhdojë, me arrest në burg apo me arrest në shtëpi, kjo do të shikohet, çfarë është e rëndësishme është se në Himarë do të kemi sërish zgjedhje”,-tha Elena Kocaqi.

LEXONI GJITHASHTU:

• Përplasja diplomatike për Belerin, Kocaqi: Lojë politike Rama-Mitsotakis, ja arsyeja
• SKEMA/ Gazetari tregon si përfitoi Greqia nga arrestimi i Fredi Belerit