“Thesi me maçokun”, ja cila ishte tortura më e rëndë në burgun e Shkodrës

Drejtori i Muzeut së Dëshmisë dhe Kujtesës në Shkodër, Pjerin Mirdita, ka rrëfyer gjatë një interviste për Euronews Albania, një nga tmerret në burgun e Shkodrës.

Ai tha se një nga torturat më famëkeqe është maçoku në një thes, ku përmendi dhe rastin e Marie Tucit, 20-vjeçarja që humbi jetën si pasojë e kësaj torture.

Mirdita bëri me dije se qelia e të resë që humbi jetën është memorial, ku përkujtohet figura e saj.

“Një nga torturat më famëkeqe është maçoku në një thes. Me atë torturë ka humbur jetën Marie Tuci, një vajzë e re. Është një histori e njohur. Tuci u mbyll në një thes me një maçok dhe goditej. Qelinë e saj e kemi si një memorial ku përkujtohet figura e saj. Tuci është pjesë e martirëve të fesë katolike dhe e vetmja femër që bën pjesë në këtë grup që bën  pjesë në këtë grup prej 38 figurash që janë shpallur lumnon nga Vatikani”- tha ai.

LEXONI GJITHASHTU: 

• U shoqëruan për vrasjen në Larushk, zbardhet dëshmia e Marklen Hakës e Valter Bamit
• Gjendet kokainë në Shtëpinë e Bardhë, Shërbimi Sekret nis hetimet