Theu arrestin shtëpiak dhe tentoi të vrasë ish-gruan, pranga 34-vjeçarit

Policia e Sarandës ka parandaluar një ngjarje të rëndë kriminale në familje.

Një 34-vjeçar është vënë në pranga, pasi kishte thyer masën e sigurisë “Arrest shtëpie” dhe kishte kërcënuar se do vriste ish-bashkëshorten e bashkëjetuesin e saj.

Shtetasit K. H., të cilit i ishte vendosur masa e sigurisë për veprën penale “Vjedhja me dhunë”, iu sekuestrua një armë zjarri pistoletë, me të cilën donte të vriste 31-vjeçaren F.C dhe 55-vjeçarin I.J.

Këtij të fundit, policia i sekuestroi një armë të ftohtë (përforëcues grushti) dhe për pasojë u arrestua.

Operacioni policor i koduar “On time” u finalizua nga Shërbimet e Komisariatit të Policisë Sarandë.

LEXONI GJITHASHTU

• Dokument zyrtar në këmbim të parave, arrestohet topografi në Vlorë
• Mashtronin të huajt, arrestohet administratori i Call Center dhe 2 operatorët