Theu hundën në ndeshjen me Austrinë, Mbappe maskë me flamurin e Francës

Kylian Mbappe ka thyer hundën në duelin me Austrinë, ende nuk dihet nëse do të luajë të premten kundër Holandës, por dihet se me çfarë maske do të luajë.

Asi i ri i Real Madridit është shfaqur në stërvitje me shokët e skuadrës me një maskë të veçantë në ngjyrat e flamurit francez dhe të dekoruar me një gjel dhe shkronjat e mëdha “KM”, inicialet e tij.

Trajneri i Francës, Didier Deschamps, tha se ende nuk e di nëse do të mund të llogarisë te Mbappe, por se është në pritje të një raporti pozitiv nga mjekët, të cilët i premtuan se “do të sigurohen që kapiteni është në dispozicion”.

LEXONI GJITHASHTU:

• Mbappe rikthehet në stërvitje pas dëmtimit në Euro2024
• Franca e nisi me fitore minimale, por dëmtimi i Mbappe i mban “gjelat” në ankth