Thumanë-Kashar për 13 minuta, tarifa 2.1 euro. Euronews Albania përshkon rrugën

Gazetari i Euronews Albania Neritan Gjergo përshkoi aksin rrugor 21 km të gjatë duke nisur nga Thumana për të mbërritur në fund të saj në Kashar.

Rruga përshkohet me shpejtësi 130 km dhe me fluksin e sotëm mjaftuan vetëm 13 minuta për ta përshkuar gjithë segmentin e ri.

Ajo do të lehtësojë qarkullimin për banorët nga veriu e Kosova që vijnë në Tiranë, Durrës dhe më tej në jug të vendit.

Rruga mund të kalohet këto ditë pa pagesë, deri në rregullimin e sistemit të serverit, ku do të vilet tarifë 2.1 euro, ndërsa ata që duan ta shmangin pagesën, do të përdorin rrugët alternative.

Thumanë-Kashar ka kushtuar 226 milionë euro, dhe për 35 vite koncesionari do të fitojë 1.3 miliardë euro. Ajo përbën segmentin e parë të “Korridorit Blu” dhe i paraprin ndërtimit të tre loteve të tjerë, Milot-Thumanë, Kashar-Lekaj dhe Lekaj-Fier.

LEXONI GJITHASHTU:

• Hapet aksi Thumanë-Kashar, të pranishëm në ceremoni, Rama, Balluku dhe Kumbaro
• Hapet aksi Thumanë-Kashar, Rama: I aksesueshëm pas orës 19:00