Thyen arrestin në shtëpi dhe vjedh një makinë, arrestohet 36-vjeçari në Tiranë

Një 36-vjeçar në Tiranë është arrestuar pasi theu masën e sigurisë “arrest në shtëpi” dhe u kap në flagrancë duke vjedhur një automjet në zonën e rrugës “Siri Kodra”.

Shtetasi D. Ç., i dënuar më parë për vjedhje, nuk iu bind urdhrit të Policisë për ndalim dhe tentoi të largohej me mjetin e vjedhur. Pas një ndjekjeje nga shërbimet e disa komisariateve dhe të Policisë Rrugore, ai braktisi automjetin në aksin “Rinas-Tiranë” dhe u përpoq të arratisej në këmbë, por u kap dhe u vu në pranga.

Automjeti i vjedhur është sekuestruar si provë materiale, ndërsa ndaj D. Ç. tashmë rëndojnë disa vepra penale, përfshirë thyerjen e masës së sigurisë dhe vjedhjen.

“Ky shtetas ka thyer masën e sigurisë dhe ka vjedhur një automjet në rrugën “Siri Kodra”. Shërbimet e Policisë Rrugore i është kanë bërë shenjë për ndalim, në rrugën “Siri Kodra”, por ai nuk i është bindur urdhrit të tyre dhe ka vijuar lëvizjen me shpejtësi. Shërbime të tjera policie janë vënë në ndjekje të shtetasit D. Ç., deri në aksin rrugor “Rinas-Tiranë”, ku ai ka braktisur automjetin e vjedhur dhe ka tentuar të largohet, por është kapur dhe vënë në pranga”, njofton policia.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme hetimore.

LEXONI GJITHASHTU:

• Dumani dhe homologët finlandezë japin detaje nga operacioni: U kapën 300 kg drogë
• SPAK godet grupin kriminal, Kraja:Trafik droge nga Shqipëria, Spanja drejt Finlandës