“T’i japim fund kësaj çështje”, Balla kërkon mbledhjen e konferencës së kryetarëve

Debatet në kuvend këtë të enjte duket se nuk kanë fund. Ishte deputeti Dashnor Sula i cili me një gjuhë tepër të rëndë tha se me ngjarjet që kanë ndodhur së fundmi në Shqipëri nuk duhet të kishte fare parlament. Ai tha se:

“Sot në orën 12 është mbledhur komisioni i ligjeve dhe ka kaluar projektligjin për kanabisin mjekësor. Kjo është çështja që diskutojmë deputetet e opozitës, që thonë se për 5 minuta kaloj në komision ky projektligj, ndërkohë Kuvendi nuk pranon kërkesën e opozitës për te kaluar sot çështjen e Ahmetajt”,- duke shtuar se kërkojnë vetëm që të votohet kërkesa e opozitës për shqyrtimin e rastit të Ahmetaj, dhe nuk ka asnjë arsye që votimi të mos bëhet.

Pas tij fjalën e mori Taulant Balla i cili kërkoi që të ndërpritej seanca në mënyrë që të mblidhej konferenca e kryetarëve që të diskutohej e ti jepej fund kësaj çështje. Kërkesa e tij u pranua menjëherë.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Përplasja fizike në Kuvendin e Kosovës, reagon për herë të parë LVV
• VIDEO| Përleshje fizike në Kuvendin e Kosovës, sulmohet kryeministri Kurti